Уважаемый Михаил Ефимович!

От имени народа Республики Саха (Якутия) и от себя лично сердечно поздравляю Вас с замечательным юбилеем — 85-летием со дня рождения!

Вы – символ возрождения современной Якутии, наш Первый Президент! Родная земля щедро наделила Вас выдающимся талантом созидателя и творца.

Вы возглавили республику в очень сложный, переломный период жизни страны и задали абсолютно правильный вектор ее развития в будущем. Вы приложили максимум усилий и энергии для того, чтобы республика обрела новую философию развития.

История российского государства и нашей республики подтвердила верность принятых Вами судьбоносных решений и мудрость Вашей деятельности на посту Президента Республики Саха (Якутия).

Благодаря конструктивным, взвешенным, современным подходам за короткий период в новой Якутии произошли колоссальные позитивные изменения в промышленности, сельском хозяйстве, образовании, здравоохранении, культуре и общественной сфере. Республика уверенно заявила о себе не только на российском, но и на международном уровне. Были успешно разрешены сложные экономические и социальные проблемы переходного периода. Но важнейшим достижением Вашего руководства республикой стало духовное возрождение ее народа. Для жителей Якутии Вы стали зримым символом обретения истинных ценностей.

Ваша многогранная трудовая, государственная и политическая деятельность целиком посвящена любимой республике и ее народу. Вас, видного российского политика и государственного деятеля, отличают энциклопедические знания, высокий профессионализм, принципиальность и настойчивость. Масштабность мышления, исключительные человеческие качества, чуткость к заботам людей снискали Вам высочайший авторитет и любовь многонационального народа Республики Саха (Якутия).

Вся Ваша жизнь – яркий образец беззаветного служения Отечеству и высоким идеалам добра и справедливости.

Уважаемый Михаил Ефимович! Якутия благодарна Вам за Ваш созидательный труд, за создание прочного фундамента современной Республики Саха (Якутия).

Желаю Вам и Вашим близким доброго здоровья, долгих лет жизни и счастья!

 

Глава Республики Саха (Якутия)                                                        А.С. Николаев

 

Ытыктабыллаах Михаил Ефимович!

Саха Өрөспүүбүлүкэтин салалтатын уонна тус бэйэм ааппыттан 85 сааскын туолар ытык-мааны күҥҥүнэн итиитик-истиҥник эҕэрдэлиибин!

Быйыл Саха АССР 100 сыллаах үбүлүөйүн бэлиэтиир кэрдиис кэммитигэр өрөспүүбүлүкэбит судаарыстыбаннаһын төрүттээбит, бөҕөргөппүт салайааччыларбыт аатын үрдүктүк тутаммыт, дириҥ ытыктабылбытын, сүгүрүйүүбүтүн биллэрэбит. Сахабыт сирин инникитигэр бигэ акылааты уурбут, норуот дьылҕатыгар улахан эппиэтинэһи сүкпүт уһулуччулаах салайааччыларбыт кэккэлэригэр Эйигин, бастакы Президеммитин, биһиги киэн тутта ааттыыбыт.

Уларыта тутуу тыҥааһыннаах сылларыгар Ийэ айылҕаттан бэриллибит модун санааҕынан, мындыр өйгүнэн саҥа үйэҕэ сайдар суолбутун түстээбитиҥ, киэҥ аартыктары дабайарга кыаҕы арыйбытыҥ. Эн быһаччы салайыыгынан Саха Өрөспүүбүлүкэтин Судаарыстыбаннай суверенитетын туһунан Декларация, Төрүт Сокуоммут ылыныллыбыта. Өрөспүүбүлүкэ тэтимнээхтик сайдарыгар экономическай, социальнай тирэҕин тобулан, киһи туһугар хайысхалаабытыҥ. Далааһыннаах саҕалааһыннар дьон-сэргэ өйүн-санаатын уһугуннарбыттара, күүһүгэр күүс эппиттэрэ. Олохпут укулаатын чиҥэтиигэ, төрүт дьарыгы харыстааһыҥҥа, дьиэ кэргэн уйгутун тупсарыыга, нэһилиэнньэ көмүскэллээх буолуутугар балысхан үлэ барбыта. Ол түмүгэр тыа сиригэр биир даҕаны саха дьоно уутуйан олорор дэриэбинэтэ симэлийбэтэҕэ.

Өбүгэ саҕаттан илдьэ кэлбит үгэспитин, сиэрбитин-туоммутун сөргүтүүгэ, ийэ тылбытын, култуурабытын өрө көтөҕүүгэ, удьуорбут утума чөл туруктаныытыгар үтүө уларыйыылар тахсыбыттара. Бу кэмнэргэ баараҕай тутуулар дьэндэйбиттэрэ, бырамыысалыннас аныгы ырыынак ирдэбилинэн киэҥ ыырга тахсыбыта. Үөрэх эйгэтигэр, наукаҕа, каадыры бэлэмнээһиҥҥэ, доруобуйа харыстабылыгар ойуччу болҕомто ууруллубута, кэскиллээх бырайыактар олоххо киирбиттэрэ. Ыччаппыт, үүнэр көлүөнэбит дэгиттэр кыахтаах, эргиччи талааннаах, эт-хаан өттүнэн сайдыылаах буолуутун өйөөһүҥҥэ, аан дойду ааттаахтарын кытта алтыһыытыгар сырдык суол тэлэллибитэ.

Регионнар ортолоругар биллэр-көстөр оруоллаах салайааччы, ыйааһыннаах политик быһыытынан судаарыстыба федеративнай тутулун бөҕөргөтүүгэ, биир сомоҕо буолуутугар бэйэҥ кылааккын киллэрбитиҥ. Саха Өрөспүүбүлүкэтэ  Арассыыйа биир кыахтаах субъега буоларын аан дойдуга тиийэ билиммиттэрэ. Федерация Сэбиэтигэр, Судаарыстыбаннай Дуумаҕа норуот аатыттан талыллаҥҥын, хоту сир кыһалҕатын быһаарыыга, Арктиканы сайыннарыыга үгүс сыраҕын биэрбитиҥ.

Михаил Ефимович, Эн ырааҕы өтө көрөр көҕүлээһиннэриҥ, кэмигэр уталыппакка ылыммыт быһаарыыларыҥ суолталара үрдүгүн күн-дьыл хаамыыта итэҕэтиилээхтик көрдөрөр.  История чахчыларын туруулаһыыга, норуоппут бас-көс дьонун ааттарын үйэтитиигэ, кинилэр кэс тылларын кэлэр көлүөнэҕэ тиэрдиигэ ахсаабат кыһамньыгын уураҕын.

Салайааччыга үлэтин муҥутуур үрдүк сыанабылын — норуот тапталын, итэҕэлин ылыыны Эн холобургар көрөбүт. Бастакы Президеммитигэр Сахабыт сирин олохтоохторо өйөбүллэрин, махталларын мэлдьи иһирэхтик этэ туруохтара.

Ытыктабыллаах Михаил Ефимович! Инникигэ кынаттыыр дириҥ толкуйгунан, киэҥ-куоҥ майгыгынан бар дьоҥҥун араҥаччылыы, алгыс тылгын тиэрдэ сырыт! Өрөгөйдөөх күҥҥэр Ытык киһибитигэр үтүө тыл кэрэтин, баҕа санаа бастыҥын аныыбын!

Эйиэхэ, Эн дьиэ кэргэҥҥэр чэгиэн-чэбдик туругу, уйгулаах-быйаҥнаах олоҕу, дьолу, уһун үйэни баҕарабын!

 

Саха Өрөспүүбүлүкэтин Ил Дархана                           Айсен Николаев

Send this to a friend